PORCULAE

et eius districtus visitatio Die XI Novembris 1573

Parochialis ecclesia S. Luciae dicitur de jurepatronatus Universitatis dictae Terrae, ad quam dicta Universitas praesentare consuevit duos Rectores, quibus bona stabilia dictae ecclesiae aequaliter dividuntur. Nec non propter amplitudinem curam tertium Rectorem sub nomi­ne clerici praesentat cum assignatione bonorum trium ruralium ecclesiarum S. Petri, S. Joannis et S. Mariae ab extra, qui quidem Rectores per hebdomadam animarum curam exercent, proventus valde tenues non excedentes salmas tres grani pro quolibet. Familias sub eius cura habet circa ducentas.

Visitato quidem prius S.mae Eucharistiae sacramento R. P. decrevit custodiam ligneam introrsum de serico rubei coloris foderari infra duos menses et in fundo corporale apponi quam primum.

Fonten sacri baptismatis a pariete eximi, et de columna decentiori, et ciborio decenti ligneo in  modum piramidis cum suo armariolo in medio pro sacris oleis baptismalibus asservandis, decentique clausura munito exornari termino quatuor mensium.

Ad sacristiam unum de tribus calicibus ecclesiae et calicem et patenam D. Antonii aurari trium mensium, et alios desecratos consecrari quam primum necnon alterum de duo bus consecratis ut supra approbatis uno tamen uti debere, altero quam primum aptato in fundo propter rimam in eo existentem. De octo paribus corporalium provideri termino trium mensium, et alia ibi reperta quam primum mundari. Imaginem crucifixi in cruce aerea existentem aptari termino duorum mensium, et ipsam crucem mundari; fieri crucem parvam  saltem ligneam pro infirmis laborantibus in extremis. Turibulum ex auricalco comparari et naviculam illustrari, aspersoriumque etiam ex auricalco provideri, ab indumentis sacerdotali bus fimbrias inutiles, et a planetis cruces aversus amoveri quam primum; novum indumentum sacerdotale lineum cum stola et manipolo termino sex mensium fieri. De cratere  saltem vitreo calici difforme pro praebendis laicis purificatione, et tabernaculum parvum portatile ex argento conflari termino quatuor mensium, ac de planeta ex ciambellotto nigro infra sex menses, et de novo baldachino serico rubei coloris infra tres per societatem S.mi Corporis Christi, ac de baldachino veteri fieri pallium altari maiori. Sacristia in­crustari et dealbari infra annum. Gradum fenestrae aptari, et speculum fieri lineum quam primum. Lectorili pallium saltem ... rubeum infra sex menses.

Ecclesiam incrustari et dealbari infra biennium attenta maxima paupertate ipsius ecclesiae et tunc ciborium sanctorum Vincentii et Sebastiani demoliri, fenestris specula linea fieri in­fra mensem.

Ad altare maius gradilia depingi, et imagines Angelorum illustrari pallium auripellatum fieri termino sex mensium et pacem depictam cum speculo decenti hisce nundinis Recaneti comparari, scabellum quam primum aptari.

Altari S. Lucae vacat a die XXV Iulii infra mortem Rectoris, de pictura de gradili, et cruce depictis, de tobaleis, sacro lapide, candelabris ferreis, pallio saltem telae depictae, et scabel­

lo   ligneo novo infra tres menses exornari. Istud altare expediret ecclesiae uniri, quia pau­perrima est.

Ad altare S. Benedicti Rector D. Adrianus, unun ex Rectoribus praefatis ex dispensatione Ordinarii. Traslata fuit ecclesia S. Benedicti diruta, cuius cementa alicui loco pio R. P. eroga­ri arbitrio Ordinarii decrevit, et ibi crucem erigi infra mensem. Pallio auripellato, gradili et haec omnia infra quattuor menses.

Ad altare S. Aegidii iconam in pariete bene aptari, et circum eam ornatus decentes fieri eamdem iconam illustrari. Gradili et cruce depictis, pallio auripellato et scabello ligneo fulciri, et haec varia fieri termino quattuor mensium.

Ad altare S. Antonii fieri capellam, sive niclum in pariete, et in eo imaginem S. Antonii col­locari amotis aliis indecentiis ipsa imagine bene illustrata, fenestram desuper claudi, de

candelabris ferreis novis, mensa lignea decenti, pallio saltem telae depictae, ac de scabello ligneo provideri, et haec omnia termino sex mensium.

Ad altare Sanctorum Vincentii et Sebastiani de gradili et cruce depictis, signum reliquiarum abradi,  et in armariolo ibi existente olea collocari donec fiat ciborium, arcum prope al­tare obturari, et parieti adaequari et de candelabris provideri termino duorum mensium, et scabellum ligneum fieri.

Ad altare S. Mariae de succursu, de gradili et cruce depictis, pallio auripellato, candelabris ferreis, sacro lapide ampliori, scabello ligneo et de baldachino saltem lineo infra quattuor menses.

Ad altare pietatis imagines illustrari, et niclum depingi, alias picturas in eo existentes illustrari  de gradili et cruce depictis, de tobaleis, candelabris, pallio auripellato, et de scabello ligneo termino trium mensium.

Ad altare S. Bartolomei tenetur Rectori celebrare binas missas in hebdomada, sed tamen non celebrantur, ideo R. P. decrevit de coetero celebrari debere, quod si defecerit per duos menses sit dicto beneficio omnino privatus, ita diuturna contumacia exigente, picturas cir­cum circa exornari, cruce et gradili depictis, candelabris ferreis, tobaleis novis, pallio auri- pellato et scabello ligneo novo fulciri termino quatuor mensium.

Ecclesiae inferioris pavimentum laterari, parietes et testudinem incrustari termino trium annorum stante paupertate praedicta. Tumbis per patronos lastras fieri infra sex menses, aliter mortuorum cadavera in illis non sepeliri, sed in cemeterio sub poena suspensionis Rectoribus negligentibus, partem de finestris claudi, et remansuras speculis lineis muniri quam primum.

Altare de omnibus ad sacrificium missae necessariis decenter provideri termino sex men­sium, cementa in dicta ecclesia existentia illico amoveri.

Oratorium societatis S. Iacobi incrustari et dealbari, et ad fenestras specula provideri termi­no sex mensium.

Altare maius mensa decenti, gradili et cruce depictis, candelabris ferreis, linteaminibus no­vis et pallio ... depictae exornari, et ornamentum ligneum depingi, vel amoveri termino quatuor mensium.

Altare S. Iacobi de candelabris ferreis, tobaleis et scabello in dicto termino provideri. Tec­tum et pavimentum aptari quam primum.

Hospitale provideri de altero cubili, lectisternio, de paleis, de binis coopertis illyricis, fenestra de crate ferrea termino duorum mensium.

Ad ecclesiam ruralem S. Mariae de ossibus, decrevit illam sub decenti clausura retineri et circa ipsius reparationem decreta R. D. Ordinarii adimpleri.

Ecclesiam ruralem S. Benedecti sub clausura etiam retineri, et in reliquis D. Ordinari decreta adimpleri.

Ecclesiarum ruralium S. Petri, S. Ioannis, S. Mariae di fuori vulgariter nuncupata, S. Mariae in capite vallis, S. Salvatoris, S. Martini, S. Ioannis, S. Blasi, et S. Laurentii dirutarum, caementa aliquibus piis locis D. Ordinarii aribitrio infra duos menses applicari, et a locis, in quibus nunc consistunt dicta caementa, inde ad unum mensem per Rectores amoveri, titulosque earum, quatenus alio non sint translatos, tranferri ad ecclesiam S. Luciae de dicta Terra cum onere videlicet S. Petrus, S. Ioannes et S. Maria ab extra, quae sunt modici introitus, inter omnes unius missae, S. Salvator valde dives duarum missarum, S. Martinus, S. Ioannes et S. Blasius inter omnes duarum missarum, et S. Laurentius unius missae in qualibet hebdomada respective sub poena dicto D. Ordinario bene visa, et dictas transationes fieri infra dictum primum expressum terminum sub dicta arbitrii poena.

Et quia dictarum ecclesiarum S. Martini, S. Ioannis et S. Blasii Rector est D. Dominicus ca­stellanus de Offida, nec potuit inspici dispensatio super earum pluralitate, R. R decrevit tertiam ipsarum vacasse et vacare, et de ea posse libere provideri, dictum Rectorem con­demnando ad restitutionem omnium fructuum ex ea hucusque perceptorum detractis ta­men oneribus pro ea impensis, quos fructus ex nunc (?) R.dae Camerae Apostolicae appli­cavit, quatenus competens non appareat dispensatio.

Item visis libris et computis officialium omnium societatum dicti loci R. R mandavit termi­no decem dierum per praedictos omnes officiales rationem suae administrationis hactenus non redditam reddi, et computa nondum solidata solidari coram D.no Ordinario iuxta Tri- dentini Concilii decretum et in futurum omnes dictarum societatum introitus et exitus fide­liter describi sub poena dicto D.no Ordinario bene visa. Inhibendo illicitas commessationes de bonis earumdem fieri solitas sub excomunicationis poena.

Prohibuit insuper mulieribus, ne flentes et ululantes associent de coetero cadavera, dum ad ecclesiam deferuntur sub poena cuicumque contrafacienti duorum scutorum vice qualibet D.no Potestati, et hospitali dicti loci aequaliter applicandorum et in subsidium excommu­nicationis.